Улаанбаатар

Бүх насны хүмүүст зориулсан Дэлхийн болон Монгол улсын шилдэг бүтээлүүдийг та манай нэрийн дэлгүүр, онлайн дэлгүүрээс үзэх мөн хүссэн газраа хүргүүлэх бүрэн боломжтой.

Bookmarket номын дэлгүүр

Олон эцэг эхчүүд хүүхдээ ном уншихгүй юм, хичээлээ хийхгүй юм гэж ярьж байхыг сонсож байсан биз дээ? Номын сайханд шимтээгүй л бол хэчнээн унш гэж хэлээд ч уншихгүй. Харин ном бүрээс сайныг нь авч чаддаг, унших дуртай хүүхдүүд шинжлэх ухаанд ч илүү шимтэж, боддог сэтгэдэг нэгэн болно. Тийм болохоор ухаалаг, сониуч, мундаг хүүхэдтэй болъё гэж бодож байвал аль болох багаас нь номонд дурлуулж, ертөнцийг гоо сайхныг танин мэдэх замд нь хөтлөөрэй. Үүний тулд хамгийн түрүүнд чи өөрөө номонд дуртай байх хэрэгтэй. Эцэг эхийнхээ үйлдлийг ухамсаргүйгээр дуурайдаг үед нь сөрөг муухай биш өөртөө дадал болгоосой гэж бодсон зөв зүйлсээрээ үлгэрлээрэй.Мөн:1. Өнгө алаг зурагнуудтай ном уншиж өгөөрэй5-аас доош насны хүүхдүүдэд өнгө өнгийн зурагтай бөгөөд бичиг багатай ном сонгон уншиж өгөөрэй. Бичвэр хэсэг нь товчхон харилцан яриа бүхий байвал хамгийн тохиромжтой.2. Уншиж өгөөд дараа нь асууЖаахан хүүхдүүд үгийн сангийн хувьд дутмаг байдаг болохоор ном уншиж өгч байхдаа зургийн талаар голчлон асууж байгаарай. Мөн тэдний хамгийн амархан тогтоодог үгнүүд нь нохой, мод зэрэг хөнгөнүгнүүд байдаг тул уншиж өгч байгаа номныхоо зурган дээрээс “Чи энэ нохойг харж байна уу?” “Энэ нохой ямар өнгөтэй байна?” “Энэ нохой юу хийж байна?” гэх зэргээр асуух нь хүүхдэд номыг ойлгоход илүү тустай бас сонирхолтой байдаг.3. Номонд гарч байгаа үйл явдлыг бодит амьдралтай холбооройХэрвээ чи нэг хүүхэд хүнсний дэлгүүр орж байгаа талаар хэсэг уншиж байгаа бол хүүхэдтэйгээ хамт хүнсний дэлгүүр орохдоо яадаг талаараа ярилцаарай. 3 болон 3-аас дэш насны хүүхдээс асуулт асуухдаа тодорхой асуух хэрэгтэй. Хэн? Хаана? Яагаад? Юу? гэсэн асуултуудаар асуувал илүү сайн ойлгож хүлээж авна. Номон дээрх үйл явдлыг бодит амьдралтай холбон тайлбарлах нь хүүхдийн үгийн санг баяжуулахад тустай.4. Харилцан ярилцЧиний хамгийн гол зорилго бол номоо уншиж дуусгах биш харин уншиж байхдаа хүүхэдтэйгээ харилцан ярилцах юм. Хүүхэд чинь номон дээрх зургийн талаар эсвэл үйл явдлын талаар гээд маш олон асуулт асуусан ч хариулахаас цааргалаж болохгүй. Энэ болгонд нь хариулж өгч байвал хүүхдэд чинь аливааг өөрийнхөөрөө төсөөлж, ургуулан бодох чадвар нь нэмэгдэнэ.5. Сонин дуу чимээ гаргаж уншихаас битгий санаа зовНомон дээр гарч байгаа чимээг илэрхийлсэн үгийг ч юм уу, эсвэл өөрөө хүүхэддээ илүү ойлгомжтой болгохын тулд амьтдын гаргадаг дуу авиаг нь өөрөө дугарч үзүүлвэл сонирхолтой байх болно. Бас ингэснээр хүүхдийн чинь мэдлэг ч зузаарах болно.6. Таамаглал дэвшүүлсэн асуулт асууХулгана гэр орон замбараагүй болгосныхоо дараа юу хийнэ гэж бодож байна? Тэр үүнийг зурсаныхаа дараа юу зурна гэж бодож байна? гэх зэргээр асуух нь хүүхэд чинь өөрийнхөөрөө зохиож, төсөөлөн бодоход нь тус болно. Мөн ингэж өмнөх болон дараах үйл явдлынх нь талаар сануулснаар дараа нь хүүхэд чинь ганцаараа номоо бариад сууж байхдаа уншиж чадахгүй ч зургийг нь хараад ямар үйл явдал гарч байсан талаар нь санаж дахин дахин унших хүслийг нь төрүүлнэ.7. Хүүхдийнхээ сонирхсон номыг уншиж өгөөрэйОлон номон дундаас хүүхдийнхээ уншуулахыг хүссэн номыг нь л уншиж өгөөрэй. Сонирхоогүй номыг нь дур мэдээд уншиж өгөх тусам хүүхдийн сонирхол буурах болно. Тиймээс сонирхолынх нь дагуу хүссэн өнгө, зурагтай номыг нь уншиж өгч байгаарай.8. Эцэст нь гэртээ номын сантай болГэрт чинь ном байдаггүй, ном унших соёлыг анхнаас нь суулгаагүй бол номонд дуртай болох эсэхийг өөрт нь л даатгахаас өөр аргагүй болно. Тиймээс хүүхдээ төрөхөөс авахуулаад “Хүүхэд залуучуудын танин мэдэхүйн нэвтэрхий толь”, монголын ёс жаяг өв уламжлалыг өвлүүлэх хүүхдийн сэтгэхүйд тохирсон “Монгол ёс жаяг”, "Сайн ба муу зуршил" гэх мэт ертөнцийг танин мэдэж, сониучирхан судлахад нь тохиромжтой номоор дүүргээрэй. Харин нас ахих тусам чиний уншдаг номнууд руу гар нь явж эхэлнэ.

Хүүхдээ хэрхэн номонд дуртай болгох вэ?

1.&nbsp;Ном унших нь хүний танин мэдэхүйг хурцалж ухааныг тэлдэгТа өөрийгөө болон хүрээлэн буй орчин хүмүүсийг илүү ихээр ойлгож хардаг болох бөгөөд хамгийн чухал нь өөрөө өөрийгөө таньж мэдэх болно. Сайн номыг заавал ахин унш. Тэндээс та ямар нэгэн шинэ зүйлийг олж харах болно.2. Ном унших нь таны эрүүл мэндэд тустайУйгагүй бүгдийг дуустал уншиж түүнийгээ бодитойгоор сэтгэж, үүгээрээ зохиолч юу хэлэх гээд байгаад дүгнэлт хийж, өөрийн бодол тайлбарыг хийх зэрэг нь оюуны дасгал болдог. Энэ нь таны эрүүл мэндэд үнэ төлбөргүй оруулж буй хөрөнгө оруулалт юм.3. Ном унших нь орчин тойрондоо эерэгээр нөлөөлдөгХэрэв та ном уншиж байвал цаг зав чинь дэмий зүйлд зарцуулагдаагүй гэсэн үг. Ном унших нь компьютер ашигласанаас хялбар юм. Та ном уншиж байна гэдэг нь элдэв дугаарлал түгжрэлийг багасгаж, гудамаар хий хоосон сэлгүүцэхгүй, машин барьж агаар бохирдуулахгүй байна гэсэн үг.4. Ном унших нь таныг харилцаанд сурганаТа өгүүлэх явцдаа өчигдөрийн спортын үйл явдлын талаар телевизийн нэвтрүүлэгийн тухай ч юм уу өөр ямар нэгэн зүйлрүү ярианыхаа сэдвийг гэнэт өөрчилж чадаж байвал таны ярих авьяас чинь хөгжиж төсөөлөн буй зүйлээ хялбархан илэрхийлж чаддаг болж байна. гэсэн үг. Ялангуяа энэ нь бараг ном уншдаггүй хүмүүст илүү их өндөр сэтгэлдэл төрүүлнэ.5. Ном унших нь чөлөөт цагаа үр бүтээлтэй өнгөрөөхөд тустайНом нь олон төрөл байдаг тул та хэзээ ч бүгдийг уншиж амжихгүй. хэрэв бүгдийг уншиж дуусгая гэхэд хүний амьдралын хэд хэдэн үе ч хүрэлцэхгүй. Маш олон төрлийн номноос сонголт хийж уншиж болох боловч өөртөө хамгийн их хэрэгтэй гэсэн үнэхээр сэтгэлийн ханаж авч болох тэр л номоо сонгон унш. Үүнийгээ олтол бүү шантар. Тэр амьдралыг чинь өөрчилж мэднэ.6. Ном унших нь амар амгаланг бий болгоноБагш нар, эцэг эхчүүд, насанд хүрэгчид хэн боловч ном уншиж байгаа хүүхдийг хараад хайр нь хүр ч сэтгэлийн баяр эдэлдэг бөгөөд дараагийн удаа түүнийг яасан ч зэмлэдэггүй гэнэ.7. Ном унших нь таны мөнгөнд хэмнэлттэйНом нь цахим тоглоомоос хямд. Хэрэв ном унших дуртай бол таньд найз нөхөд чинь бэлэг сонгохдоо ямар ч эргэлзээгүй дуртай номыг тань сонгоно.&nbsp;/Таньд анхаарах ганц зүйл хэрэгтэй номынхоо жагсаалтыг гаргасан байх хэрэгтэй. Энэ нь таньд ашигтай.&nbsp;Ном унших дуртай хэнд ч номын сангууд нээлтэй. Тэнд та ямар ч мөнгө төлөхгүй ном уншиж болно.8. Ном унших нь оюун ухаанааа төвлөрүүлэхэд тустайХөгжим сонсож байхдаа ч юмуу ер нь хаа ч явсан эргэн тойрныхоо зүйлд анхааралаа сарниулахгүйгээр ном уншиж болдог. Туршлагатай уншигч телевизийн 4 суваг сольж үзэж байхдаа уншиж чаддаг байна. Хэрэв та өөрөө хүсэх л юм бол автомашин болон нийтийн тээврээр зорчиж байхдаа ч ном уншиж чадна.<blockquote>Ном унших дуртай хэнд ч номын сангууд нээлтэй. Тэнд та ямар ч мөнгө төлөхгүй ном уншиж болно.</blockquote>9. Ном унших нь таны гадаад үзэмжинд эерэгээр нөлөөлдөгИлүү жинтэй болохоос битгий айцгаа. Ном их уншдаг хүн амьдралд тохиолдох хүнд бэрхийг давж гарах сэтгэлийн тэнхээтэй болдог бөгөөд бусдыг бодвол арай хөнгөн байдлаар бэрхшээлийг туулж гардаг. Номтой нөхөрлөснөөр та оюун сэтгэхүйгээрээ уран зөгнөлт хүсэлдээ хөтлөгдөн бодол ухаанаараа хязгааргүй орчинд аялан явж чадна. Мөн таны оюун сэтгэхүйд номын үйл явдлууд кино мэт хөврөн үзэгддэг болохоор кино театрт попкорн идэж суух ямар ч шаардлаггүй болно.10. Ном унших нь эцэг эхчүүдэд ашиг тустайХүүхэд хэрхэн ном уншиж түүнд автаж байгааг хараад ажил ихтэй ном унших завгүй хүмүүс хүртэл түүнд татагддаг. Ном уншихын жаргалыг мэдрүүлж байр баясгалан авчирсан уншигч хүүхдүүдээ эцэг эхчүүд нь ахин талархах болно.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Ном унших ашиг тус

Ном уншаад мэдлэг мэдээлэл авч, бичих чадвараа хөгжүүлж, номын гол утга санааг сайтар ойлгоход туслах хамгийн үр дүнтэй арга бол яах аргагүй номын тэмдэглэл хөтлөх билээ. Та бүхэн номын тэмдэглэл хийе гэсэн ч хаанаас эхлэх, хэрхэн хөтлөхөө мэдэхгүй байгаа бол энэхүү зөвлөгөөг дуустал нь уншаарай.&nbsp;НОМЫН ТЭМДЭГЛЭЛ ГЭЖ ЮУ ВЭ?Номын тэмдэглэл хөтлөх гэдэг нь уншсан номынхоо гол утга санаанд өөрийн бодлоо тусган эргэцүүлэл хийхийг хэлдэг.&nbsp;Номын тэмдэглэл хөтлөх нь ой тогтоолт, анхаарал төвлөрөлт болон бичих чадварыг сайжруулах зэрэг хэд хэдэн давуу талтай. Мөн уншсан номынхоо талаар тэмдэглэл бичиж өөрийн зүгээс дүгнэлт хийж байгаа тул номыг үг, өгүүлбэрээр нь хөөж уншихаас илүүтэйгээр номын утга санааг бүхэлд нь ойлгоход чиглэн унших чадвар ч сайжруулах боломжтой.НОМЫН ТЭМДЭГЛЭЛ ХЭРХЭН БИЧИХ ВЭ?ХИЧЭЭЛИЙН НОМХичээл дээрээ уншсан номуудынхаа тэмдэглэлийг хийх нь хожим шалгалтад бэлдэх үед өмнө үзсэн сэдвүүдээ сэргээн санахад тусалдаг. Мөн олон дахин уншаад ч сайн ойлгоогүй сэдвүүдээ уншаад дүгнэлт бичих нь тухайн сэдвүүдийг ойлгоход тусалдаг.&nbsp;УРАН ЗОХИОЛЫН НОМХичээлээс бусад шалтгаанаар буюу өөрийн сонирхлоороо уншиж байгаа номын тэмдэглэлийг дараах загварын дагуу хийх боломжтой.&nbsp;А. Эхлээд номын нэр, зохиолчийн нэр, номын төрөл жанрыг бичнэ. Хүсвэл хэвлэгдсэн он, хэвлэлийн газрыг ч бичиж болно.&nbsp;Б. Ингээд тухайн номыг уншаад танд ямар бодлууд төрсөн талаараа бичнэ. Бичихдээ дараах үндсэн асуултуудад хариулаад бичвэл тэмдэглэл тань илүү цэгцтэй болно.&nbsp;Энэ ном таны сэтгэлийг татаж чадсан уу?&nbsp;Номын аль дүр өөрт тань таалагдсан бэ?&nbsp;Номын яг аль хэсэг нь сэтгэлийг тань догдлуулсан бэ?&nbsp;Аль хэсэг нь ойлгомжгүй байсан бэ?&nbsp;Номоос ямар сургамж авсан бэ?Номыг 1-10 оноогоор дүгнэвэл?&nbsp;ХУВЬ ХҮНИЙ ХӨГЖЛИЙН НОМХувь хүний хөгжлийн номд харилцааны чадвараа сайжруулах, цагийн менежмент хийх, бусдыг удирдан манлайлах зэрэг өөрийн тань аль нэг дутагдалтай чадварыг засахад тусалсан номууд багтдаг.&nbsp;Хувь хүний хөгжлийн номын тэмдэглэл хийх нь ерөнхийдөө хичээлийн номын тэмдэглэл хийхтэй ижил зарчмаар явагддаг. Өөрөөр хэлбэл та энэ төрлийн номуудыг уншаад зөвхөн гол санаануудыг нь л тэмдэглэн бичих хэрэгтэй.&nbsp;ТОДОРХОЙ БИЧИХ&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Номын тэмдэглэлийг хэнд зориулж бичиж байгаагаас шалтгаалан өөр өөр хэв маягаар бичиж болно. Хэрвээ тэмдэглэлээ дараа нь өөр хүмүүст уншуулах зорилготойгоор бичиж байгаа бол цөөн үгээр, тодорхой бичих хэрэгтэй. Харин зүгээр л өөрийн бичих чадвараа сайжруулах гэж байгаа бол уран сайхны найруулгатайгаар бичиж болох юм.&nbsp;ОНЦЛОХ ХЭСГҮҮДИЙГ ТЭМДЭГЛЭХТэмдэглэл хийхдээ сэтгэлд хүрсэн эшлэл, ухаарал хайрласан үгийг заавал тэмдэглэн аваарай. Магадгүй эдгээр үгс нь таны ирээдүйн амьдралдаа баримтлах зарчим болохыг ч үгүйсгэхгүй шүү дээ. Мөн эдгээр үгсийг тэмдэглэлийнхээ тусгай хэсэгт эсвэл өөр дэвтэр дээр бичиж авбал&nbsp;харахад амар байдаг.&nbsp;ӨӨРТӨӨ ЗОРИУЛЖ БИЧИХМэдээж бусдад зориулж бичиж болно л доо. Гэхдээ номын тэмдэглэл гэдэг өөрийн тань бичвэр, өөрийн тань өмч тул бусдад таалагдах гэж биш, зөвхөн өөртөө зориулан бичих нь зүйтэй. Эхний үед тэмдэглэлүүдээ хэнд ч үзүүлээд хэрэггүй. Хүнд үзүүлээд ирэхээр "Хүмүүс тэмдэглэлийг маань уншаад юу гэх бол? Ямар хариу үйлдэл үзүүлэх бол?" гэхчлэн бусдын хариу үйлдэлд хэт их анхаараад өөрийн бодлыг тусгахад бэрхшээлтэй болдог. Тиймээс өөртөө л зориулж бичээрэй.&nbsp;ГОЁООР ЧИМЭГЛЭЭРЭЙНомын тэмдэглэл хийхдээ бужо дэвтэр хөтөлдөг шиг чимэглэл хийвэл илүү сонирхолтой байх болно гэж амлая. Та олон өнгөөр бичсэн, энд тэндээ саа чимэглэл, наадаг зурагтай тэмдэглэл хийх дуртай төрлийн хүн бол өнгөлөг байдлаар, минималист хэв маягт дуртай бол цөөн хэдэн өнгөөр, цэвэрхэн байдлаар тэмдэглэлээ чимэглэх боломжтой.&nbsp;Интернэтэд бужо дэвтрийг хэрхэн өнгөлөг, анхаарал татахуйц байдлаар чимэглэх талаар хэдэн зуун зөвлөгөө байдаг учраас хайгаад үзээрэй.&nbsp;

Номын тэмдэглэл хэрхэн хөтлөх вэ?

-Өнөөдөр Николай Константинович Рерихийн төрсөн өдөр. Азийн экспедиц, цаст Хималайг нүдээр тольдон, шамбалын орны судалгаа хийж үзэх мэлмийгээ нээсэн их зураачийн тухай сонирхолтой нийтлэлийг уншигч та бүхэнд дахин хүргэж байна-Николай Константинович Рерих&nbsp;бол Оросын их зураач, сценографист, философич, сэтгэгч, гоц үзэгдэл судлаач, зохиолч, аялагч, археологич, нийгмийн зүтгэлтэн, Оросын Эзэн хааны Урлагийн академийн академич. Тэрбээр амьдралынхаа туршид 7000 гаруй зураг зурсны дийлэнх нь дэлхийн алдартай уран зургийн галерей, музей, олон улс орны уран зураг сонирхогчдын хувийн цуглуулгад хадгалагдаж байна. Рерих 30 боть уран зохиолын бүтээл, түүний дотор яруу найргийн бүтээлүүд туурвисан бөгөөд Оросын болон гадаад улс орнуудын хүндэт одон, томоохон шагналуудыг хүртэж, Нобелийн Энхтайвны шагналд хэдэнтээ нэр дэвшиж байжээ. Тэрбээр Октябрийн хувьсгалаас өмнө Эзэн хааны Урлагийн академийн захирлаар ажиллаж, Эзэн хааны ивээл дор “Урлагийн ертөнц” уран сайхны нийгэмлэгийг удирдан, Оросын хуучны өв соёлыг сэргээж хамгаалах төслүүд болон хүмүүнлэгийн үйл ажиллагаанд идэвхтэй оролцож байв.Н.К.Рерих 1917 оноос эхлэн гадаадад цагаачлан амьдарсан байдаг. Түүний эх орондоо эргэн ирэх удаа дараагийн хүсэлтэд коммунист засаглалын удирдагчид зөвшөөрөл олгоогүйн улмаас амьдралынхаа сүүлийн жилүүдийг Энэтхэгт өнгөрүүлжээ.Та бүхэн энэ нийтлэлийг бүрэн эхээр нь <a href="https://news.zindaa.mn/2xbm" rel="noopener noreferrer" target="_blank">Николай Рерих ба Монгол (zindaa.mn)</a> холбоосоор орж сонирхоорой.

2026-01-24 16:25

Хүүхдээ хэрхэн номонд дуртай болгох вэ?

2026-01-24 16:25

Ном унших ашиг тус

2026-01-24 16:25

Номын тэмдэглэл хэрхэн хөтлөх вэ?

2026-01-24 16:25

Николай Рерих ба Монгол / Ц.Оюунчимэг-ийн Zindaa.mn дээр 2020 оны 10 сарын 09 -нд нийтэлсэн нийтлэлийг хүргэж байна /

Bookmarket номын дэлгүүр

Туслах цэс

Холбоо барих